این اے193،ضمنی الیکشن کادنگل کل سجے گا،کانٹے دارمقابلہ متوقع

فاضل پور (نامہ نگار ) ضمنی الیکشن 193 کا دنگل کل سجے گا پیپلز پارٹی مسلم لیگ ن اور تحریک انصاف میں کانٹے دار مقابلہ تمام پارٹیوں کے کامیابی کے دعوے جو جیتا وہی سکندر کامیابی کی صورت میں جنوبی پنجاب میں مقبولیت حاصل ہو گی انتخابی مہم ختم دو لغاریوں اور گورچانی کے درمیان سخت مقابلہ لغاری اور گورچانی ٹرائبل میں انتخابی مارکہ آخری مراحل میں علاوہ ازیں الیکشن کمیشن کی جانب سے 26 فروری کو ہونے والے راجن پور کے قومی اسمبلی کے حلقہ 193 میں ہونے والے ضمنی الیکشن کی تیاریاں مکمل کر لی گئی ہیں اس حلقے میں پی ٹی آئی کے امیدوار سردار جعفر خان لغاری کی وفات کے بعد خالی ہوئی تھی اس حلقے میں تین لاکھ 76 ہزار 9 سو 8 ووٹرز اپنا حق رہی دہی استعمال کریں گے جن میں 2 لاکھ 5ہزار 45 مرد ووٹر اپنے ووٹ کاسٹ کریں گے 1لاکھ 71ہزار 4 سو 63 خواتین ووٹ کاسٹ کریں گی اس حلقے میں ٹوٹل 237 پولنگ اسٹیشن قائم کئے جارہے ہیں جن میں سے 80 مردوں کے لیے اور 70خواتین کے لیے مختص ہوں گے جبکہ 80 کے قریب کمپاؤنڈ پولنگ اسٹیشن بھی قائم ہوں گے 237 پولنگ اسٹیشنوں پر 711 پولنگ بوتھ بنائے جائیں گے جن میں مردوں کے لیے 387 جبکہ خواتین کے لیے 324 پولنگ بوتھ مختص ہوں گے الیکشن کمیشن کو جانب سے اس حلقے میں 69 پولنگ اسٹیشن کو حساس قرار دیا گیا ہے الیکشن کو شفاف بنانے کے لیے پولیس کی بھاری نفری تعینات کرنے کا بھی فیصلہ کیا گیا ہے اور دفعہ 144 نافذ ہوگا جب کہ دوسری لیر میں کسی بھی ناگہانی صورتحال سے نمٹنے کے لیے پاک رینجر کو بھی سٹینڈ بائی رکھا جائے گا۔