شیخ رشید سے عراقی سفیر کی ملاقات ، باہمی دلچسپی کے امور پر گفتگو - Baithak News

شیخ رشید سے عراقی سفیر کی ملاقات ، باہمی دلچسپی کے امور پر گفتگو

اسلام آباد (این این آئی)وزیر داخلہ شیخ رشید احمد سے عراق کے سفیر حامد عباس لفطا نے ملاقات کی جس میں پاک عراق دو طرفہ تعلقات سمیت باہمی دلچسپی کے دیگر امور پر تبادلہ خیال کیا گیا ۔ جمعرات کو ہونے والی ملاقات میں پاکستان اور عراق کے درمیان سیاحوں بالخصوص زائیرین کے لئے سہولیات پر تبادلہ خیال کیا گیا ۔ویزاسہولیات اورسکیورٹی تعاون بڑھانےکے لئے دونوں ملکوں نے داخلہ وزارتوں کے درمیان روابط بڑھانے پر زور دیا ۔عراقی سفیر حامد عباس لفطا نے کہاکہ پاکستان اورعراق کے درمیان باہمی تعلقات کے فروغ کیلئے روابط بڑھانے کی ضرورت ہے۔ انہوںنے کہاکہ پاکستان اورعراق کے درمیان تعلقات تاریخی؛اسلامی بھائی چارے اورباہمی اعتماد پر قائم ہیں۔وزیر داخلہ نے کہاکہ پاکستان عراق سمیت پوری دنیا میں ہونے والی دہشت گردی کاروائیوں کی مذمت کرتا ہے۔ انہوںنے کہاکہ پاکستان خود دہشت گردی سے متاثر ملک ہے؛ 80 ہزار جانوں کی قربانی دی ہے۔ انہوںنے کہاکہ پاکستان عراق جانے والے زائرین کے لئے سفری سہولیات میں اضافہ کریگا۔ انہوںنے کہاکہ دونوں ممالک کی درمیان سکیورٹی سمیت دیگر معاملات پر تعاون بڑھانے کے لئے فوری اقدامات کی ضرورت ہے۔

مزید جانیں

مزید پڑھیں

صارفین کو ریلیف کی فراہمی کیلئے اقدامات اُٹھائے جارہے ہیں:محمد ارشد

حکومت پنجاب کی ہدایت پراشیاء ضروریہ کی مقررہ نرخوں پرفراہمی کو یقینی بنایاجائے لیہ( بیٹھک رپورٹ )ضلع میں صارفین کو ریلیف کی فراہمی کے لئے اقدامات اُٹھائے جارہے ہیں تاکہ صارفین کو سستی اشیاء خورد نوش فراہم کی جاسکیںاس سلسلہ مزید پڑھیں

اپنا تبصرہ بھیجیں