مدر اینڈ چائلڈ ہسپتال لیہ کے عوام کیلئے قیمتی تحفہ: شہباز حسین

لیہ (بیٹھک رپورٹ )ڈپٹی کمشنر شہباز حسین کی طرف سے ضلع لیہ میں جاری ترقیاتی منصوبوں کے معائنہ کا عمل جاری ہے۔ڈپٹی کمشنر نے 15ارب روپے سے زائدلاگت سے زیر تعمیرمدراینڈچائلڈہسپتال کا دورہ کیا۔ڈپٹی کمشنر نے اس موقع پر سیکورٹی انتظامات کا بھی جائزہ لیا۔ڈپٹی کمشنر نے تعمیراتی منصوبے پر کام کرنے والے انجینئرز اور ورکرزسے گفتگوکی اور انتظامیہ کے بھرپورتعاون کی یقین دہانی کروائی۔ڈپٹی کمشنر نے گفتگوکرتے ہوئے کہاکہ وزیراعلیٰ عثمان بزدار نے اہلیان لیہ کےلئے گراں قدر تحائف دیئے ہیں اور مدراینڈچائلڈہسپتال ان سب میں قیمتی ہے۔ لیہ کے عوام کو علاج معالجہ کےلئے دور دراز کے شہروں میں نہیں جانا پڑے گا۔ لیہ کا شماربہت جلد تمام سہولیات سے آراستہ اضلاع میں ہوگا۔