مظفرگڑھ:ٹرین کی ٹکر سے شہری زخمی

مظفرگڑھ (بیٹھک رپورٹ) مظفرگڑھ کے نواحی علاقے پانچ موری نزد ٹبہ کریم آباد میں ٹرین کی ٹکر سے شہری زخمی ہوگیا،مذکورہ شخص ٹرین کی پٹڑی کے قریب کانوں میں ہیڈ فون لگا کر جا رہا تھا۔ اطلاع ملنے پر ریسکیو کنٹرول روم نے فوری طور جائے حادثہ پر ایمبولینس روانہ کر دی، ایمبولینس کا بروقت رسپانس، فوری ریسکیو آپریشن جاری کرتے ہوئے ٹرین حادثے میں زخمی ہونے والے شخص عامر علی ولد خادم عمر 25 سال جو کہ ٹبہ کریم آباد کا رہائشی ہے کو موقع پر ابتدائی طبی امداد فراہم کرنے کے بعد ڈی ایچ کیو ہسپتال مظفرگڑھ شفٹ کیا۔