ہائیکورٹ بارز ایسوسی ایشنز کے انتخابات 26 فروری کو ہونگے - Baithak News

ہائیکورٹ بارز ایسوسی ایشنز کے انتخابات 26 فروری کو ہونگے

ملتان ( سپیشل رپورٹر) ہائیکورٹ بار ایسوسی ایشنز ملتان ، بہاولپور ، لاہور اور راولپنڈی کے سالانہ الیکشن 26 فروری کو منعقد ہونگے، اس سلسلے میں انتخابی مہم عروج پر پہنچ چکی ہے، امیدوار کنویسنگ میں مصروف عمل ہیں جبکہ ہائی کورٹ بار روم ملتان کی دیواروں پر امیدواروں کے پینا فلیکس لگے ہوئے ہیں، ہائی کورٹ بار ملتان کی صدارت کیلئے 4 امیدوار میاں مشتاق عادل ایڈووکیٹ، موجودہ صدر سید ریاض الحسن گیلانی ایڈووکیٹ، جنرل سیکرٹری بار کی نشست پر چار امیدوار ملک ارشد حسین بھٹی ایڈووکیٹ، مہر حسیب قادر، رانا محمد اجمل کانجو اور محمد بن قاسم تنگوانی سامنے ہیں، جبکہ مجلس عاملہ کی سات نشستوں پر 18 امیدوار مدمقابل ہیں، صرف ایک نشست لائبریری سیکرٹری پر خاتون امیدوار فرزانہ سلیمان ایڈووکیٹ بلا مقابلہ منتخب ہوئی ہیں، ہائی کورٹ بار کے الیکشن کیلئے پنجاب بار کونسل نے انتخابی ضابطہ اخلاق جاری کردیا ہے، جس پر عمل درآمد نہیں ہو سکا، امیدواروں کے بڑے بڑے پینا فلیکس لگے ہوئے ہیں، کھانوں کا سلسلہ بھی جاری ہے، جبکہ ڈور ٹو ڈور کنویسنگ عروج پر پہنچ چکی ہے، وکلاء کے مختلف دھڑوں اور گروپس کی طرف سے امیدواروں کی حمایت کے اعلانات کیے جا رہے ہیں، جس سے الیکشن مہم میں خاصا جوش و خروش پیدا ہوگیا ہے۔

مزید جانیں

مزید پڑھیں

کینسر کیخلاف آرٹلری میں کئی نئے ہتھیارشامل

ملتان (بیٹھک سپیشل) کیا انسانیت آخر کار کینسر کیخلاف پرانی لڑائی میں کامیابی حاصل کر سکتی ہے، اس سوال جواب دیتے ہوئے ماہرین کا کہنا ہے کہ حالیہ سائنسی اور طبی ترقیوں نے کینسر کے خلاف موجود ہمارے ہتھیاروں میں مزید پڑھیں

اپنا تبصرہ بھیجیں