نوکری سے چھٹی، تنخوا نہ ملنے پر نوجوان نے پٹرول چھڑک کر خود کو آگ لگا لی، نشتر منتقل

ملتان (وقائع نگار)نوجوان نے نوکری سے چھٹی اور تنخوا نہ ملنے پر پٹرول چھڑک کر خود کو آگ لگا لی۔ تفصیل کے مطابق شجاع آباد کا رہائشی 25 سالہ نوجوان عظمت گزشتہ 3ماہ سے ملتان کی نجی فیکٹری میں مزدوری کررہا تھا۔ سپر وائزر نے ایک روز چھٹی کرنے پر نوکری سے فارغ کر کے تنخواہ دینے سے انکار کر دیا۔جس پر نوجوان نے دلبرداشتہ ہوکر خود پر پٹرول چھڑک کر آگ لگا لی۔ جسے تشویشناک حالت میں نشتر ہسپتال کے شعبہ برن یونٹ منتقل کر دیا گیا ہے۔ معلوم ہوا ہے کہ عظمت کا 90 فیصد جسم کا حصہ جھلس چکا ہے۔