وفاقی وزیر سیدفخرامام کاسیاستدان میاں غلام عباس قریشی کے انتقال پر تعزیت

ملتان(وقائع نگار ) وفاقی وزیر قومی غذائی تحفظ و تحقیق سید فخر امام نے میاں امجد عباس قریشی اور میاں ارشد عباس قریشی کو ٹیلی فون کرکے ان کے والد اور بزرگ سیاستدان میاں غلام عباس قریشی کی وفات پر تعزیت کی اور گہرے رنج و غم کا اظہار کرتے ہوئے کہا کہ مرحوم میاں غلام عباس قریشی ضلع مظفر گڑھ کے سنئیر سیاستدان تھے اللہ تعالیٰ ان کی مغفرت فرمائے اور لواحقین کو صبر عطاءفرمائے سید فخر امام نے مزید کہا کہ بزرگ سیاستدان میاں غلام عباس قریشی کی وفات سے مظفر گڑھ ایک سنئیر سیاسی بصیرت رکھنے والی شخصیت سے محروم ہوگیا ہے جس کا خلاءکبھی پر نا ہوسکے گا۔