وزیر اعظم سرمائی اولمپکس کی افتتاحی تقریب میں

24ویں بیجنگ سرمائی اولمپکس کی افتتاحی تقریب چینی دارالحکومت کے برڈز نیسٹ میں شروع ہوئی۔

وزیراعظم عمران خان نے بیجنگ اولمپکس 2022 کی افتتاحی تقریب میں شرکت کی۔ چینی قیادت نے وزیراعظم عمران خان کو خصوصی طور پر مدعو کیا۔
بیجنگ میں ہونے والے میگا اسپورٹس ایونٹ میں 90 سے زائد ممالک کے 2800 کھلاڑی حصہ لے رہے ہیں۔ سات مختلف کھیلوں میں 109 کھیلوں کے مقابلے ہوں گے۔

بیجنگ سرمائی اولمپکس کی افتتاحی تقریب میں 22 ممالک کے عالمی رہنماؤں نے بھی شرکت کی۔

مزید برآں، فواد چوہدری نے ٹویٹ کیا:

درجنوں ٹیمیں آئیں لیکن اسٹیڈیم میں چین کے بعد اگر کسی ٹیم کے لیے تالیاں بجیں تو وہ پاکستان کی ٹیم تھی، عام چینی پاکستان سے محبت کرتے ہیں اور یہ تالیاں اسی جذبے کا اظہار ہیں۔
سرمائی اولمپکس میں شریک پاکستانی دستے کی آمد پر وزیراعظم عمران خان نے اپنی نشست سے کھڑے ہو کر تالیاں بجا کر ٹیم کو داد دی۔