سول سیکرٹریٹ ملتان میں 8محکموں کے دفاتر شفٹ کئے جائینگے، مزید8محکموں کے دفاتر تعمیر کرنے کی گنجائش

ملتان(بیٹھک رپورٹ،سول سیکرٹریٹ ملتان )۔ چیف سیکرٹری پنجاب زاہداختر زمان نےکہا ہےکہ۔ الگ سیکرٹریٹ کا قیام جنوبی پنجاب کی عوام کا دیرینہ خواب تھا۔ جو اب گڈ گورننس اور سروس ڈیلیوری بہتر بنانے میں بھرپور کردار ادا کر رہاہے۔ انہوں نےتوقع کا اظہار کیا کہ زیر تعمیر سول سیکرٹریٹ کی تکمیل کےبعددفاتر منتقل ہونے سے محکموں میں۔ کوآرڈنیشن میں بہتری آئیگی اور خطے میں ترقی کی رفتار میں مزیدتیزی آئیگی۔ زاہداختر زمان نے سول سیکرٹریٹ کی بلڈنگ دسمبر تک مکمل کرنیکاحکم دیااورکہاکہ حکومت دسمبر میں سول سیکرٹریٹ کاافتتاح کرناچاہتی ہے۔

جنوبی پنجاب سیکرٹریٹ دسمبرمیں مکمل کرنیکا حکم

یہ بات انہوں نے متی تل روڈ پر زیر تعمیر سول سیکرٹریٹ کی بلڈنگ کے معائنے پر گفتگو کرتے ہوئےکہی۔ ایڈیشنل چیف سیکرٹری ساوتھ پنجاب کیپٹن(ر) ثاقب ظفر، سیکرٹری خزانہ پنجاب۔ مجاہد شیردل، سیکرٹری سی اینڈ ڈبلیو و سی ای او انفرا سٹرکچر دویلپمنٹ اتھارٹی پنجاب سہیل گورایہ۔ سیکرٹری سروسز جنوبی پنجاب امجد شعیب ترین ،کمشنر عامر خٹک اور ڈپٹی کمشنر عمرجہانگیر بھی انکے ہمراہ تھے۔ چیف سیکرٹری پنجاب نےکہا کہ آم جنوبی پنجاب کی پہچان ہے۔ اسلئے سول سیکرٹریٹ میں آم کے درخت لگائے جائیں اور انکی بھرپور شجرکاری کی جائے۔

ایڈمنسٹریٹیو سیکرٹریز کے دفاتر ایک چھت تلےقائم ہونے سے کارکردگی میں مزید اضافہ ہوگا: ایڈیشنل چیف سیکرٹری سائوتھ پنجاب کیپٹن(ر)ثاقب ظفر،سی ای او آئی ڈیپ سہیل اشرف کی بریفنگ

انہوں نے کہا کہ منصوبے کے تعمیراتی معیار میں کوئی کوتاہی برداشت نہیں کی جائیگی۔ چیف سیکرٹری نے زیر تعمیر سیکرٹریٹ اور جی او آر کے مختلف حصے دیکھے۔ تعمیراتی معیار چیک کیا اور منصوبے کی لینڈ سکیپنگ بارے دریافت کیا۔ ایڈیشنل چیف سیکرٹری سائوتھ پنجاب کیپٹن(ر)ثاقب ظفر نے اس موقع پر بتایا کہ۔ ایڈمنسٹریٹیو سیکرٹریز کے دفاتر ایک چھت تلےقائم ہونے سے کارکردگی میں مزید اضافہ ہوگا۔ انہوں نے بتایاکہ سول سیکرٹریٹ ملتان کی تکمیل کے بعد جنوبی پنجاب کے 8محکموں کے دفاتر شفٹ کئے جائیں گے۔

انہوں نے بتایا کہ مستقبل میں مزید محکمے جنوبی پنجاب منتقل ہونے کےپیش نظر سیکرٹریٹ کا ڈیزائن تیار کیا گیا۔ اور مزید8محکموں کے دفاتر تعمیر کرنے کی گنجائش رکھی گئی ہے۔ سی ای او آئی ڈیپ سہیل اشرف نے بریفنگ دیتے ہوئے بتایا کہ سول سیکرٹریٹ کمپلیکس 504 کنال قطعہ اراضی پر تعمیر کیا جارہا ہے۔ اور اس منصوبے پر ساڑھے3ارب روپے خرچ کئے جارہےہیں۔

آج کا اخبار