ایران اور پاکستان کے اعلیٰ عسکری و سفارتی روابط میں پیش رفت

ایران کے وزیر خارجہ عباس عراقچی کی فیلڈ مارشل سید عاصم منیر سے اہم ملاقات

 

ایران کے وزیر خارجہ عباس عراقچی کی فیلڈ مارشل سید عاصم منیر سے اہم ملاقات ہوئی ہے۔ ایرانی سفارتخانے کی جانب سے جاری بیان کے مطابق یہ ان کی پہلی باضابطہ ملاقات تھی۔
، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ملاقات میں وزیر داخلہ محسن نقوی اور قومی سلامتی کے مشیر عاصم ملک بھی شریک تھے۔ 
ذرائع کے مطابق ایران کے نائب وزیر خارجہ غریب آبادی، اسلام آباد میں تعینات ایرانی سفیر امیری مقدم اور وزارت خارجہ کے ترجمان اسماعیل بقائی بھی اس موقع پر موجود تھے۔
واضح رہے کہ عباس عراقچی گزشتہ روز ایک مختصر وفد کے ہمراہ پاکستان پہنچے تھے۔
وہ اپنے دورے کے دوران وزیر اعظم سمیت دیگر اعلیٰ حکام سے بھی ملاقاتیں کریں گے۔
دوسری جانب امریکا نے اپنے نمائندوں اسٹیو وٹکوف اور جیرڈ کشنر کے پاکستان کے ممکنہ دورے کی بھی تصدیق کی ہے۔