ایرانی جہاز اور عملہ پاکستان کے حوالے، امریکی میڈیا کا دعویٰ

امریکی میڈیا نے رپورٹ کیا ہے کہ امریکا کی تحویل میں لیا گیا ایرانی بحری جہاز اور اس کا عملہ پاکستان کے سپرد کر دیا گیا ہے۔رپورٹ کے مطابق یہ اقدام جہاز اور عملے کی ایران واپسی کے عمل کو آگے بڑھانے کے لیے کیا گیا ہے۔ امریکی حکام نے ایم وی توکسا کے 22 افراد پر مشتمل عملے کو پاکستان کے حوالے کیا۔
مزید بتایا گیا ہے کہ اس سے قبل گزشتہ ہفتے عملے کے 6 ارکان کو واپسی کے لیے کسی خطے کے دوسرے ملک کے سپرد کیا جا چکا تھا۔
امریکی حکام کے مطابق یہ جہاز ناکہ بندی کی مبینہ خلاف ورزی پر تحویل میں لیا گیا تھا۔حکام کا کہنا ہے کہ اب جہاز کو اس کے اصل مالک کے حوالے کرنے کا عمل مکمل کیا جا رہا ہے۔