میٹرک امتحانات میں بدانتظامی، کراچی بورڈ کے چیئرمین مستعفی

کراچی میں میٹرک کے امتحانات کے دوران سامنے آنے والی بے ضابطگیوں کے بعد چیئرمین میٹرک بورڈ غلام حسین سوہو نے اپنے عہدے سے استعفیٰ دے دیا ہے۔ انہوں نے اپنا استعفیٰ محکمہ بورڈز سندھ کے سیکریٹری کو بھجوا دیا ہے، جسے اب وزیرِ بورڈز کے ذریعے متعلقہ کنٹرولنگ اتھارٹی کو ارسال کیا جائے گا۔
ذرائع کے مطابق تحقیقاتی کمیٹی نے امتحانی نظام میں بدنظمیوں پر چیئرمین کو معطل کرنے اور ان کے خلاف اینٹی کرپشن ادارے میں فوجداری کارروائی کی سفارش کی تھی۔یہ بھی بتایا گیا ہے کہ اگر انہیں معطل کیا جاتا تو غلام حسین سوہو اپنے اصل ادارے، فیڈرل بورڈ، میں واپس نہیں جا سکتے تھے۔
اب کنٹرولنگ اتھارٹی اس بات کا فیصلہ کرے گی کہ ان کا استعفیٰ قبول کیا جائے یا ان کے خلاف مزید قانونی کارروائی کی جائے۔