آبنائے ہرمز میں کشیدگی کے بعد حالات دوبارہ معمول پر

آبنائے ہرمز میں مختصر دورانیے کی کشیدگی کے بعد حالات دوبارہ معمول پر آگئے ہیں۔ ایرانی میڈیا رپورٹس کے مطابق امریکی بحریہ نے ایک ایرانی آئل ٹینکر کو نشانہ بنایا، جس کے جواب میں ایران نے میزائلوں اور ڈرونز کے ذریعے کارروائی کی۔
ترجمان خاتم الانبیا ہیڈکوارٹرز کا کہنا ہے کہ جوابی حملوں میں آبنائے ہرمز اور چابہار بندرگاہ کے قریب موجود امریکی جنگی جہازوں کو نشانہ بنایا گیا، جس سے انہیں بھاری نقصان پہنچا۔دوسری جانب سینٹ کام نے بندر عباس اور قشم کی بندرگاہوں پر حملوں کی تصدیق کرتے ہوئے کہا کہ امریکی افواج نے ایران کی جانب سے کیے گئے حملوں کا دفاعی ردعمل دیا۔
امریکی سینٹرل کمانڈ کے مطابق ایرانی فورسز نے میزائلوں، ڈرونز اور چھوٹی کشتیوں کے ذریعے امریکی بحری جہازوں پر حملے کیے، تاہم امریکی بحریہ کا کوئی بڑا اثاثہ متاثر نہیں ہوا۔