اداکارہ مومنہ اقبال کی ہراسانی شکایت، این سی سی آئی اے نے کارروائی شروع کر دی

معروف اداکارہ مومنہ اقبال کی جانب سے ایک رکنِ صوبائی اسمبلی پر ہراسانی کا الزام عائد کیے جانے کے بعد نیشنل سائبر کرائم انویسٹی گیشن ایجنسی (این سی سی آئی اے) نے درخواست موصول ہونے کی تصدیق کر دی ہے۔
این سی سی آئی اے پنجاب کے ڈائریکٹر محمد علی وسیم نے میڈیا سے گفتگو کرتے ہوئے کہا کہ کیس میں کسی قسم کا دباؤ نہیں ہے اور تمام کارروائی قانون کے مطابق جاری ہے۔انہوں نے بتایا کہ معاملے میں دونوں فریقین کو نوٹسز جاری کر دیے گئے ہیں، تاہم قانونی تقاضوں کے تحت متعلقہ ایم پی اے کا نام فی الحال ظاہر نہیں کیا جا سکتا۔