ایرانی صدر کے استعفے سے متعلق امریکی میڈیا کا دعویٰ، ایران کی سختی سے تردید

امریکی نشریاتی ادارے فاکس نیوز نے دعویٰ کیا ہے کہ ایران کے صدر مسعود پزشکیان نے مبینہ طور پر اپنے اختیارات محدود ہونے کے باعث استعفیٰ دینے کی درخواست کی ہے۔رپورٹ میں کہا گیا ہے کہ صدر مسعود پزشکیان نے سپریم لیڈر آیت اللہ علی خامنہ ای کے دفتر کو آگاہ کیا کہ انہیں اہم حکومتی فیصلوں کے عمل سے الگ رکھا جا رہا ہے۔
، جس کے باعث وہ اپنی آئینی ذمہ داریاں مؤثر انداز میں ادا نہیں کر پا رہے۔مزید رپورٹس میں یہ بھی دعویٰ کیا گیا کہ ایران میں پاسداران انقلاب اور دیگر سخت گیر حلقوں کے بڑھتے ہوئے اثر و رسوخ کے باعث منتخب حکومت کا کردار محدود ہو رہا ہے۔
، جس سے صدر اور کابینہ اہم فیصلوں سے دور ہو گئے ہیں۔تاہم ایرانی حکام نے ان تمام خبروں کو سختی سے مسترد کر دیا ہے۔ صدارتی دفتر کے عہدیداروں اور پاسداران انقلاب سے منسلک ذرائع کے مطابق صدر مسعود پزشکیان نے نہ تو استعفیٰ دیا ہے اور نہ ہی ایسی کوئی درخواست پیش کی ہے۔ 
حکام کا کہنا ہے کہ صدر بدستور اپنے آئینی فرائض معمول کے مطابق انجام دے رہے ہیں۔