تجارتی تنازعات کے فوری حل کے لیے خصوصی عدالتوں کی تیاری

وزیراعظم شہباز شریف نے ملک بھر میں تجارتی عدالتوں کے قیام کے حوالے سے ایک اعلیٰ سطحی کمیٹی تشکیل دے دی ہے۔
یہ کمیٹی تجارتی عدالتوں کے قیام کے لیے مجوزہ فریم ورک اور سفارشات پر مشتمل مسودہ تیار کرے گی۔
وزیراعظم آفس کی جانب سے جاری کردہ نوٹیفکیشن کے مطابق وفاقی وزیر قانون و انصاف اعظم نذیر تارڑ کمیٹی کی سربراہی کریں گے۔
اعلامیے میں بتایا گیا ہے کہ اٹارنی جنرل منصور عثمان اعوان، وفاقی وزیر بلال اظہر کیانی، سیکرٹری قانون، وکلا فیصل نقوی، علی المانی، زینب جنجوعہ اور ابراہیم آفریدی بھی کمیٹی کے ارکان میں شامل ہیں۔