اداکارہ میرا پر ملازمہ کو مبینہ تشدد کا نشانہ بنانے کا الزام، سی سی ٹی وی فوٹیج سامنے آگئی

لاہور میں اداکارہ میرا کی جانب سے اپنی ملازمہ کو مبینہ طور پر تشدد کا نشانہ بنائے جانے کا واقعہ سامنے آیا ہے، جس کی سی سی ٹی وی فوٹیج بھی سوشل میڈیا پر گردش کر رہی ہے۔سامنے آنے والی فوٹیج میں مبینہ طور پر اداکارہ میرا کو گھر کے مرکزی دروازے پر ملازمہ کو دھکے دینے اور تھپڑ مارتے ہوئے دیکھا جا سکتا ہے۔
مبینہ تشدد کا شکار ملازمہ نے واقعے کے خلاف متعلقہ تھانے میں درخواست بھی جمع کرا دی ہے۔ پولیس کے مطابق درخواست موصول ہونے کے بعد واقعے کی تحقیقات شروع کردی گئی ہیں۔