حکومت اور پیپلزپارٹی میں اختلافات ختم کرنے کی کوششیں کامیاب

حکومت اور پیپلز رابطہ کاریپارٹی کے درمیان جاری سیاسی تناؤ اور قانون سازی سے متعلق اختلافات ختم کرنے کے لیے پسِ پردہ ہونے والی بات چیت میں اہم پیش رفت سامنے آئی ہے۔ذرائع کے مطابق اسپیکر قومی اسمبلی سردار ایاز صادق نے دونوں سیاسی جماعتوں کے درمیان پیدا ہونے والا ڈیڈلاک ختم کرانے میں اہم کردار ادا کیا اور مذاکرات کو آگے بڑھانے میں کامیاب رہے۔
ذرائع کا کہنا ہے کہ حکومت نے پیپلزپارٹی کے ساتھ مذاکرات اور رابطہ کاری کے لیے اسپیکر قومی اسمبلی کو مکمل اختیار دے رکھا تھا، جس کے بعد پیپلزپارٹی بھی قانون سازی کے معاملے پر اپنے مؤقف میں لچک دکھانے پر آمادہ ہوگئی ہے۔
حکومتی اور پیپلزپارٹی کے رہنماؤں کے درمیان رابطوں کے نتیجے میں سیاسی کشیدگی کم ہونے اور باہمی معاملات کو مذاکرات کے ذریعے حل کرنے کی راہ ہموار ہوگئی ہے۔