پنجاب اور کنٹونمنٹ میں بلدیاتی انتخابات کا شیڈول جلد جاری کرنے کا فیصلہ

الیکشن کمیشن نے پنجاب اور کنٹونمنٹ بورڈز میں بلدیاتی انتخابات کے انعقاد کے لیے انتخابی شیڈول فوری جاری کرنے کا فیصلہ کر لیا ہے۔اس حوالے سے چیف الیکشن کمشنر سکندر سلطان راجہ کی زیر صدارت اجلاس منعقد ہوا، جس میں پنجاب اور کنٹونمنٹ کے علاقوں میں بلدیاتی انتخابات کے معاملات کا جائزہ لیا گیا۔
اجلاس کے دوران الیکشن کمیشن حکام نے بتایا کہ پنجاب حکومت دسمبر میں شدید دھند اور سخت سردی کے خدشات کے باعث بلدیاتی انتخابات اپریل میں کروانے کی خواہش مند ہے۔الیکشن کمیشن نے صوبائی حکومت کے جواب کو غیر تسلی بخش قرار دیتے ہوئے مؤقف اختیار کیا کہ پنجاب حکومت اس سے قبل 15 دسمبر 2026 سے 15 جنوری 2027 کے درمیان بلدیاتی انتخابات کرانے پر آمادگی ظاہر کر چکی تھی۔
الیکشن کمیشن کے مطابق اب پنجاب حکومت پہلے سے تجویز کردہ انتخابی تاریخوں میں تبدیلی کی خواہاں ہے، جس کے باعث انتخابات کے انعقاد کے معاملے پر صورتِ حال زیرِ غور ہے۔