آج کا اخبار پڑھیں ای پیپر

سعودی عرب سے غیر متزلزل یکجہتی، خطے میں دیرپا امن کی کوششوں کی بھرپور حمایت جاری رہے گی: وزیراعظم

Super Admin

وزیراعظم شہباز شریف نے سعودی دارالحکومت ریاض کے کنگ عبداللہ فنانشل ڈسٹرکٹ پر حوثی باغیوں کے حملے کی سخت الفاظ میں مذمت کرتے ہوئے برادر ملک سعودی عرب کے ساتھ پاکستان کی مکمل یکجہتی کا اعادہ کیا ہے۔

اپنے بیان میں وزیراعظم نے واضح کیا کہ شہری آبادی، بنیادی ڈھانچے اور معاشی مراکز کو ہدف بنانا کسی طور قابلِ قبول نہیں ہے، کیونکہ اس طرح کے جارحانہ اقدامات پورے خطے کے امن و استحکام کو شدید خطرے میں ڈال دیتے ہیں۔

وزیراعظم شہباز شریف کا کہنا تھا کہ پاکستان اس مشکل گھڑی میں سعودی عرب اور اس کے عوام کے شانہ بشانہ کھڑا ہے، اور مملکت کی خودمختاری و علاقائی سالمیت کے تحفظ کے حق کی مکمل تائید کرتا ہے۔

انہوں نے مزید کہا کہ سعودی عرب کو اپنے شہریوں اور وہاں مقیم تمام افراد کی سلامتی یقینی بنانے کا پورا حق حاصل ہے، جبکہ پاکستان خطے میں پائیدار امن و استحکام کے قیام کے لیے کی جانے والی ہر کاوش کی حمایت جاری رکھے گا۔

شیئر کریں: Facebook WhatsApp X

تبصرے

Please keep the discussion respectful.

0 تبصرے
No comments yet. Be the first to share your thoughts.

Your comment will appear after moderation.