آل پاکستان پیٹرول پمپ اونرز ایسوسی ایشن نے ہڑتال سے متعلق گردش کرنے والی خبروں کو مسترد کر دیا ہے اور واضح کیا ہے کہ ملک بھر میں پیٹرول پمپ معمول کے مطابق کھلے رہیں گے۔ایسوسی ایشن کے وائس چیئرمین نعمان بٹ نے کہا کہ آج سے 5 مئی تک پیٹرول پمپس کی بندش کی اطلاعات بے بنیاد ہیں اور ان میں کوئی حقیقت نہیں۔
انہوں نے یقین دہانی کرائی کہ عوام کو پیٹرولیم مصنوعات کی فراہمی بلا تعطل جاری رہے گی۔ان کا مزید کہنا تھا کہ ہڑتال سے متعلق خبریں ایسوسی ایشن کے مؤقف کی عکاس نہیں ہیں اور پیٹرول پمپ مالکان اس کی حمایت نہیں کرتے۔ 
انہوں نے عوام سے اپیل کی کہ وہ افواہوں پر توجہ نہ دیں کیونکہ پیٹرول پمپس معمول کے مطابق فعال ہیں۔