دریائے چناب میں پانی کے بہاؤ میں نمایاں اضافے کے بعد جھنگ میں ممکنہ سیلاب کے خطرے کے پیشِ نظر ضلعی انتظامیہ نے ہائی الرٹ جاری کر دیا ہے۔دریا کے کنارے آباد مکینوں اور کاشتکاروں میں دریائی کٹاؤ کے باعث تشویش بڑھ گئی ہے۔ مقامی افراد کا کہنا ہے کہ کٹاؤ کی وجہ سے متعدد ایکڑ زرعی اراضی پہلے ہی دریا کی نذر ہو چکی ہے۔
، جبکہ پانی کی سطح میں مزید اضافے سے نقصان بڑھنے کا خدشہ ہے۔ضلعی انتظامیہ کے مطابق دریائے چناب کا سیلابی ریلا آئندہ 48 گھنٹوں کے دوران تریموں ہیڈورکس سے گزرنے کا امکان ہے۔ ممکنہ صورتحال کے پیشِ نظر متعلقہ اداروں کو الرٹ رہنے کی ہدایت کر دی گئی ہے۔
، جبکہ حفاظتی انتظامات مزید سخت کر دیے گئے ہیں تاکہ کسی بھی ہنگامی صورتحال سے مؤثر انداز میں نمٹا جا سکے۔