وزیراعظم شہباز شریف کرغز صدر کی دعوت پر آج تین روزہ سرکاری دورے کے لیے کرغزستان روانہ ہوں گے۔ وزیراعظم کے ہمراہ نائب وزیراعظم و وزیر خارجہ اسحاق ڈار، وفاقی وزراء اور اعلیٰ سرکاری حکام پر مشتمل وفد بھی ہوگا۔
دورے کے دوران وزیراعظم شہباز شریف شنگھائی تعاون تنظیم (ایس سی او) کے سربراہانِ حکومت کی کونسل کے اجلاس میں شرکت کریں گے، جبکہ ایس سی او پلس سمٹ میں بھی پاکستان کی نمائندگی کریں گے۔
اجلاس کے موقع پر پاکستان 2026 سے 2027 کے لیے شنگھائی تعاون تنظیم کے سربراہانِ مملکت کی کونسل کی صدارت بھی سنبھالے گا۔