امریکا کی آٹھ ریاستوں نے اوپن اے آئی کے خلاف مختلف عدالتوں میں مقدمات دائر کردیے، جن میں چیٹ جی پی ٹی کے استعمال سے بچوں کو نقصان پہنچنے کے الزامات عائد کیے گئے ہیں۔خبر رساں ایجنسی کے مطابق یہ مقدمات آئیووا، کنساس سمیت امریکا کی چھ دیگر ریاستوں کی جانب سے دائر کیے گئے ہیں۔
درخواستوں میں مؤقف اختیار کیا گیا ہے کہ چیٹ جی پی ٹی نے بچوں کو خود کو یا دوسرے افراد کو نقصان پہنچانے کے طریقے بتائے، جس کے باعث اس کے استعمال سے بچوں کی سلامتی سے متعلق خدشات پیدا ہوئے ہیں۔مقدمات میں اوپن اے آئی کے نظام اور بچوں پر اس کے ممکنہ اثرات پر سوالات اٹھائے گئے ہیں۔