”بیٹھک “کی نشاندہی پرایڈیشنل چیف سیکرٹری جنوبی پنجاب کانوٹس

بہاولپور (رانا مجاہد ڈسٹرکٹ بیورو) روزنامہ بیٹھک کی خبر پر ایکشن ایڈیشنل چیف سیکرٹری ساؤتھ پنجاب کیپٹن ریٹائرڈ ثاقب ظفر نے با اثر نمبردار چک نمبر 95 ایم لودھراں محمد عثمان منگلہ اور اسسٹنٹ کمشنر لودھراں محمد اشرف صالح گٹھ جوڑ کی بدولت غریب بلوچ کسانوں کے گھروں کو گرانے پر روزنامہ بیٹھک ملتان میں خبر شائع ہونے کا نوٹس لیتے ہوئے ایڈیشنل ڈسٹرکٹ کلکٹر اور اسسٹنٹ کمشنر لودھراں محمد اشرف صالح سے چک نمبر 95 ایم لودھراں میں واقع تمام رقبہ جات اور مسمار شدہ گھروں کی بابت رپورٹ طلب کرلی اسسٹنٹ کمشنر لودھراں سے جب دریافت کیا گیا کہ اس نے زیر دفعہ 32/34 لینڈ ریونیو ایکٹ کا غلط استعمال کرکے غریب کسانوں کے گھروں کو کیوں مسمار کیا تو اسسٹنٹ کمشنر نے جواب دیا کہ اس نے کسانوں کے گھروں کو مسمار کو کرنے کا حکم نہیں دیا غریب بلوچ کسانوں نے ایڈیشنل چیف سیکریٹری ساؤتھ پنجاب کو محمد اشرف صالح اسسٹنٹ کمشنر اور محمد عثمان منگلہ نائب تحصیلدار لودھراں شفیق گرداور محمد رمضان اور پٹواری وغیرہ کے خلاف درخواست میں الزام عائد کیا کہ اسسٹنٹ کمشنر نے نمبردار کی ساز باز سے بوگس رپورٹس کی بنیاد پر 32/34 کی کاروائی کی آڑھ میں ہمارے 17 گھر گرادیئے ہیں اور ٹوٹے ہوئے گھروں میں ہماری خواتین اور بچے موجود ہیں مگر با اثر نمبردار نے لودھراں پولیس کی چھتری تلے مسلح غنڈوں کے ذریعے ہمارا چک 95 ایم لودھراں میں داخلہ بند کردیا ہے آئے روز فائرنگ کرکے علاقے میں دہشت پھیلائی ہوئی ہے اگر مظلوم کسان پولیس ایمرجنسی 15 پر کال کرتے ہیں تو الٹا کسانوں کے خلاف جھوٹے مقدمات درج کرکے گرفتار کرلیا جاتا ہے نمبردار نے اسسٹنٹ کمشنر لودھراں نائب تحصیلدار شفیق گرداور محمد رمضان اور پٹواری حسن عباس نےغریب کسان محمد نواز ولد واحد بخش کی لاٹ 100 کنال پر زبردستی قبضہ کرنے کیلئے چک نمبر 95 ایم لودھراں میں اسسٹنٹ کمشنر لودھراں کے غیر قانونی حکم پر پولیس اور نائب تحصیلدار گرداور اور پٹواری نے غریب کسانوں کے تقریباً 17 گھر مسمار اور تباہ و برباد کردیئے پولیس لودھراں کی پشت پناہی اور مسلح غنڈوں کی بدولت آئے روز ہوائی فائرنگ سے علاقے میں شدید خوف و حراس اور بلوچ برادری کے غریب کسانوں پر چک نمبر 95 ایم لودھراں میں داخلے پر پابندی عائد کردی گئی اور ” نوگو ایریا” ڈکلیئر کردیا گیا نمبردار کے مسلح غنڈوں نے علاقے میں مبینہ طور پر ہوائی فائرنگ کا سلسلہ جاری رکھا ہوا ہے مظلوم کسانوں کو سابق وزیر اعلیٰ پنجاب میاں منظور احمد وٹو کے حکم پر سابق ڈپٹی کمشنر کیپٹن (ریٹائرڈ) آغا ندیم نے سال 1994 میں 10/10 مرلے کے پلاٹس الاٹ کئے اور الاٹمنٹ کی سندات تقسیم کیں اور انتقالات درج کئے غریب کسانوں نے اپنے گھر بنائے جو غیر قانونی طور پر اسسٹنٹ کمشنر لودھراں کے حکم پر گرا دیئے گئے شرمناک سازش کے لئے نامنہاد نمبردار چک نمبر 95 ایم لودھراں نے غریب کسانوں کے گھر گروانے کیلئے پٹواری گرداور اور نائب تحصیلدار لودھراں سے جعلی و فرضی رپورٹ مرتب کروائی اور اسسٹنٹ کمشنر لودھراں محمد اشرف صالح نے موقع پر تصدیق کئے بغیر اور نوٹس بے دخلی دیئے بغیر پولیس کی بھاری نفری بھیج کر گزشتہ روز غریب کسانوں کے گھروں کو مسمار کروادیا اور ستم ظریفی دیکھئے کہ موقع پر کسانوں کو ہوائی فائرنگ کرکے چک نمبر 95 ایم لودھراں سے بھگا دیا گیا ہے جبکہ ان کسانوں کے بیوی بچے تا حال اپنے ٹوٹے ہوئے گھروں میں موجود ہیں جبکہ مبینہ طور پر نمبردار نے چک 95 ایم میں مسلح غنڈوں کو مسلط کردیا ہے تاکہ مظلوم کسانوں کو چک نمبر 95 ایم لودھراں میں داخل نہ ہونے دیا جائے اور اس طور پر پولیس لودھراں کی سرپرستی اور محکمہ مال لودھراں کی ساز باز سے چک نمبر 95 ایم لودھراں کو مظلوم کسانوں کیلئے ” نوگو ایریا ڈکلیئر” کردیا ہے مظلوم کسانوں پر پہلے ہی نمبردار محمد عثمان منگلہ کی ملی بھگت سے تقریباً 12 جھوٹے مقدمات درج کیئے جاچکے ہیں اور تا حال الطاف حسین کسان لودھراں جیل میں قید ہے الطاف حسین کسان پر 7 جھوٹے مقدمات درج کروائے ہیں جبکہ الطاف حسین کی اہلیہ پر 3 جھوٹے مقدمات اور بیٹے محمد ابرار پر 4 جھوٹےمقدمات اور دوسرے بیٹے محمد شیراز طالب علم پر 2 جھوٹے مقدمات درج کروائے ہیں اور اللہ ڈتہ کسان کی بیوی زکیہ بی بی کا بازو بھی نمبردار اور اسکے غنڈوں نے توڑا تھا میڈیکل رپورٹ اور عدالت عالیہ لاہور ہائیکورٹ بہاولپور بنچ بہاولپور کے حکم کے باوجود پولیس تھانہ صدر لودھراں نے نمبردار محمد عثمان منگلہ وغیرہ کے خلاف مقدمہ درج نہیں کیا اور پولیس کی پشت پناہی سے کسان محمد نواز ولد واحد بخش کا رقبہ 100 کنال ہتھیانے کیلئے مزید جھوٹے مقدمات کی دھمکیاں دی جارہی ہیں مظلوم خاندان کے محمد ابرار اللہ دتہ اور محمد جاوید نے ڈپٹی کمشنر لودھراں کو جب ثبوت ملکیت دکھائے اور کہا کہ ان کے گھر ناجائز طور پر گرا دیئے گئے ہیں تو مبینہ طور پر ڈپٹی کمشنر لودھراں نے کہا کہ میں کروں اگر تمہارے مکان گرادیئے ہیں تو ؟ ڈپٹی کمشنر نے مظلوم کسانوں کو اسسٹنٹ کمشنر لودھراں محمد اشرف صالح سے رجوع کرنے کا مشورہ دیکر ٹرخا دیا ہے مظلوم کسانوں محمد ابرار اور اللہ ڈتہ نے میڈیا سے گفتگو کرتے ہوئے کہا کہ نمبردار محمد عثمان منگلہ نے پولیس اور اسسٹنٹ کمشنر نائب تحصیلدار گرداور اور پٹواری حلقہ چک نمبر 95 ایم لودھراں کی ساز باز سے ہماری زندگی تنگ کردی ہے ہمیں اپنے مسمار شدہ گھروں میں موجود بیوی بچوں سے ملنے کی اجازت بھی نہیں ہے اور چک نمبر 95 ایم لودھراں کو ہمارے لئے ” نوگو ایریا” بنادیا گیا ہے پولیس بھی ہمارے اور دیگر عزیزوں کے خلاف تقریباً 12 جھوٹے مقدمات درج کرواچکے ہیں اور نمبردار کے مسلح غنڈوں نے فائرنگ کا سلسلہ جاری رکھا ہوا ہے مظلوم کسانوں نے حکام بالا سمیت چیف سیکرٹری پنجاب ایڈیشنل چیف سیکریٹری ساؤتھ پنجاب آئی جی پولیس پنجاب ایڈیشنل آئی جی پولیس ساؤتھ پنجاب ایڈیشنل آئی جی انویسٹیگیشن ملتان ڈی پی او لودھراں سمیت کمشنر ملتان سے ” نو گو ایریا ” ختم کروانے اور تباہی شدہ مکانات دوبارہ تعمیر کرنے اور اسسٹنٹ کمشنر لودھراں وغیرہ کے خلاف فوری کارروائی کا مطالبہ کیا ہے ۔