تونسہ شریف(بیورورپورٹ) جوڈیشل کمپلیکس روجھان کی تعمیر میں 50لاکھ روپے سے زائد کی کرپشن اور بے قاعدگیاں، اینٹی کرپشن کے مقدمہ میں ملوث محکمہ بلڈنگ کے آفیسروں اور ٹھیکیداروں کے خلاف جوڈیشل ایکشن کا حکم تفصیلات کے مطابق محکمہ بلڈنگ راجن پور کی نگرانی میں عدالتوں، جوڈیشل کمپلیکس اور ججز کی رہائش گاہوں کی تعمیر کے منصوبہ میں محکمہ بلڈنگز راجن پور کے ایکسین عبدالمجید ایس ڈی او شاہد سلیم حال تعینات ایکسین بلڈنگز تونسہ سب انجینئر گوہر ایوب نے بھاری کمیشن لے کر ٹھیکیدار وں عرفان عباس اور میاں کنسٹرکشن کے مالک صہیب کو ناقص اور غیر معیاری کام کی چھوٹ دے رکھی ہے ۔ڈبل کمیشن کے لالچ میں ادائیگیاں بھی کردیں۔
نشاندہی پر اینٹی کرپشن راجن پور نے مقدمہ درج کر کے تحقیقات کیں بدترین کرپشن کی تصدیق پر اینٹی کرپشن حکام نے نامزد ملزموں کے خلاف جوڈیشل ایکشن کی منظوری دے دی ہے۔ اینٹی کرپشن نے ملزموں کی گرفتاریوں کے لئے چھاپوں کا سلسلہ شروع کردیا ہے۔
رنگ پورکی واحد انتظارگاہ قبضہ گروپ کے ہتھے چڑھ گئی
مظفر گڑھ(نامہ نگار,انتظارگاہ )رنگ پور کی واحد انتظار گاہ بھی قبضہ گروپوں کا شکار ہوگئی۔ 50 ہزار نفوس پر مشتمل ضلع مظفر گڑھ کے اہم ترین قصبہ رنگ پور میں. خوشاب مظفر گڑھ روڈ پر خاصی کاوش کے بعد ایک انتظار گاہ تعمیر کی گئی تھی. جس میں رنگ پور اور گردونواح کے مرد اور خواتین مسافروں کے بیٹھنے کیلئے انتظامات کئے گئے تھے۔ انتظار گاہ کی تعمیر کے ابتدائی دنوں میں یہ انتظار گاہ مسافروں سے بھری ہوئی ہوا کرتی تھی. تاہم دھیرے دھیرے یہاں پر قبضہ شروع ہوگیا اور انتظار کرنیوالے مسافر بے دخل ہونے لگے۔
ابتداء میں انتظار گاہ سے بے دخل کئے گئے مسافروں نے احتجاج کیا تو انہیں نہ صرف دھمکایا گیا. بلکہ زدکوب بھی کیا گیا تاہم مقامی بااثر قبضہ گروپ اس انتظار گاہ کا قبضہ لینے میں کامیاب ہو گئے۔ اس وقت اس انتظار گاہ میں ایک بھی مسافر داخل نہیں ہو سکتا. کیونکہ انتظار گاہ کو بند کرکے ایک دکان کی شکل دیدی گئی ہے۔ رنگ پور کے سماجی سیاسی عوامی حلقوں نے ڈپٹی کمشنر مظفر گڑھ ڈی پی او مظفر گڑھ سے. اس انتظار گاہ کو قبضہ گروپوں سے واگزار کرانے کا مطالبہ کیا ہے. تاکہ مسافر مزید پریشانی سے بچ سکیں۔
Leave a Comment