راجن پور(سٹی رپوپرٹر,غیرقانونی شکار )جنوبی پنجاب کی تیسری بڑی شکار گاہ میں معصوم پرندے شکاریوں کے رحم و کرم پر ہیں، ڈپٹی ڈائریکٹر وائلڈ لائف اور اسسٹنٹ ڈائریکٹر وائلڈ لائف کی مبینہ ملی بھگت سے مختلف صوبوں سے تعلق رکھنے والے شکاریوں نے ان علاقوں میں ڈیرے ڈال دئیے۔ تینوں تحصیلوں میں ڈپٹی ڈائریکٹر وائلڈ لائف ڈی جی خان کی زیر سرپرستی 13 سے زائد کونج کے شکار کی پارٹیاں بٹھائی گئی ہیں شہر میں بغیر لائسنس تلور، بٹیر اور تتر کی خریدوفروخت کے لیے درجنوں ڈیلر کام کر رہے ہیں۔
ذرائع کے مطابق ڈپٹی ڈائریکٹر وائلڈ لائف نے ریٹائرڈ گیم واچر کو شکاریوں سے وصولی کا سپشل ٹاسک دیا۔ جس کے بعد درگھڑی، میراں پور، روجھان اور کوہ سلیمان۔ کے پہاڑوں کے نشیبی علاقوں میں درجنوں شکاریوں کے گروپ کونج کا شکار کرتے ہیں۔ اسکے علاوہ یہ شکاری دیگر صوبوں سے تعلق رکھتے ہیں بتایا گیا ہے۔ کونج کے شکار کے لیے 13 لاکھ روپے اسسٹنٹ ڈائریکٹر وائلڈ لائف راجن پور نے بذریعہ بشیر پرائیویٹ ملازم کے جمع کر کے ڈپٹی ڈائریکٹر وائلڈ لائف کو دیے۔ جس کی وجہ سے شکاری پارٹیاں تاحال ضلع میں موجود ہیں۔ ارباب اختیار جب نوٹس لیتے ہیں تو مقامی عملہ شکاریوں کو بچا لیتا ہے۔ شہریوں نے ارباب اختیار سے نوٹس لینے کا مطالبہ کر دیا۔ غیرقانونی شکار
Leave a Comment