محمدخان بھٹی کااقبالی بیان،چشم کشاانکشافات کرڈالے

تونسہ شریف (سلیم ناصر گورمانی )سابق وزیراعلیٰ پنجاب پرویز الٰہی کے دست راست محمد خان بھٹی نے 164 کے اقبالی بیان میں چشم کشا انکشافات کر ڈالے۔ پرویز الٰہی اور مونس الٰہی کی مبینہ کرپشن کی کہانی میں اربوں روپے کی کک بیکس شامل ہیں ،سابق پرنسپل سیکرٹری محمد خان بھٹی نے چونکا دینے والے انکشافات میں پرویز الٰہی اور مونس الٰہی کی مبینہ کرپشن کے پول کھول دیئے۔محمد خان بھٹی کا اقبالی بیان میں کہناتھا کہ ایک جج نے کک بیکس لینے کیلئے اپنے دو بیٹوں کو فرنٹ مین رکھا تھا، پی ٹی آئی قیادت اور چودھری پرویز الٰہی کی ہدایت تھی کہ جج کے بیٹوں کا کام نہیں رکنا چاہئے۔سابق پرنسپل سیکرٹری نے کہاکہ ماسٹر پلان لاہور میں مونس الٰہی نے اربوں روپے لئے ،میاں امیر محمود، نصر اللہ وڑائچ، چودھری اعجاز کو فائدہ دے کر رقم بٹوری گئی، محمد خان بھٹی کاکہناتھا کہ پرویز الٰہی اور مونس الٰہی نے گجرات کے ٹینڈر میں 50 لاکھکے ٹینڈر میں 35 فیصد کک بیکس لیں، بلڈنگ ڈویژن گجرات میں ساڑھے 3 فیصد، انڈسٹریل اسٹیٹ گجرات اور حافظ آباد ٹو گجرات پر 35 فیصدجبکہ پنجاب ماس ٹرانزٹ بسوں کی خریداری میں 10 فیصدکک بیکس سہیل نامی فرنٹ مین کے ذریعے لی گئیں۔محمد خان بھٹی کے ہوش اڑا دینے انکشافات کا سلسلہ یہی نہیں رکتا ، ملزم کاکہناتھا کہ سالڈویسٹ مینجمنٹ کے کنٹریکٹ میں ایاز خان نے 7 فیصد کک بیکس لیں،ایک جج نے اپنے دوبیٹوں کو فرنٹ مین رکھا تھا، جج کے بیٹے کک بیکس لیتے تھے اور تعیناتیاں بھی کرتے تھے،پی ٹی آئی کی قیادت اور پرویز الٰہی کی ہدایت تھی کہ جج کے بیٹوں کا کام نہیں رکنا چاہئے۔محمد خان بھٹی کے اربوں روپے کے اثاثوں کا بھی پتہ لگ گیا،سابق پرنسپل سیکرٹری نے اعتراف کیاکہ رائیونڈ میں اس کا فارم ہاؤس ہے،مونس الٰہی کے ذریعے شوگر مل میں 25 کروڑ روپے کی سرمایہ کاری کر رکھی ہے،اس کے علاوہ رحیم یار خان کی شوگر مل میں 10 کروڑ کا سرمایہ لگارکھا ہے،خواجہ موٹرز لاہو رمیں 10 کروڑاور سرگودھا مال نظام حیدر کے ساتھ 7 کروڑ کی سرمایہ کاری کی۔محمد خان بھٹی کی منڈی بہاؤالدین میں 150 ایکڑ زرعی اراضی اور200 جانوروں پر مشتمل ڈیری فارم ہے،جوہر ٹاؤن لاہور میں 8 مرلے کا گھر بھی ہے،ایک ہاؤسنگ سوسائٹی میں ایک کنال پر گھر زیرتعمیرہے، اتحاد ٹاؤن لاہور میں 7 مرلہ کمرشل اور10 مرلہ رہائشی پلاٹ ہے،محمد خان بھٹی کاکہناتھا کہ نوکریاں دینے اور پنجاب اسمبلی میں سینکڑوں افراد بھرتی کرانے میں کروڑوں روپے لئے گئے۔جب کہ جنوبی پنجاب میں بھی مختلف محکموں کے ایکسین کروڑوں روپے لے کر تعینات کیے تھے اور سکیل 12 کے سٹینوگرافر مختیار جتوئی کو ایڈیشنل چارج پر چیف آفیسر میونسپل کمیٹی تونسہ شریف کمشنر ڈیرہ غازی خان خان سے تعینات کرانے پر بیس لاکھ روپے لیے تھے جب کہ سابقہ پندرہ کروڑ روپے کی کرپشن پر سورس رپورٹ پر محکمہ بلدیات کو کارروائی کے لیے لیٹر لکھوانے پر بھی مختیار جتوئی سے تیس لاکھ روپے اطہر کانجو اسسٹنٹ ڈائریکٹر اینٹی کرپشن ڈیرہ غازی خان کے ذریعے لیے تھے ۔یاد رہے کہ 26 فروری 2023کو افغانستان بھاگنے کی کوشش میں پولیس نے محمد خان بھٹی کو اسلحہ سمیت گرفتارکیاتھا۔