نگران وزیر اعلیٰ پنجاب کی ملتان آمد، نشتر ہسپتال کا دورہ

لاہور(خصوصی رپورٹر)نگران وزیر اعلیٰ پنجاب محسن نقوی نے گزشتہ رات نشتر ہسپتال ملتان کا اچانک دورہ کیا۔ہسپتال انتظامیہ بھی وزیراعلیٰ محسن نقوی کے دورے سے لاعلم رہی۔محسن نقوی نے ایمرجنسی، آئی سی یو، میڈیکل،سرجیکل اور دیگر وارڈز کا معائنہ کیا۔محسن نقوی نے ہسپتال میں مریضوں کیلئے دستیاب سہولتوں کا جائزہ لیا۔محسن نقوی نے ہسپتال کے مختلف شعبوں کا وزٹ کیا اور مشینری کا بھی معائنہ کیا۔محسن نقوی نے مریضوں اور ان تیمارداروں سے علاج معالجے کی سہولتوں کے بارے میں پوچھا۔وزیراعلیٰ محسن نقوی نے زیر علاج مریضوں کی خیریت دریافت کی۔انہوں نے کہا کہ نشتر ہسپتال میں علاج معالجے کی سہولتوں کو مزید بہتر بنائیں گے۔اچانک دورہ کرکے زمینی حقائق سے آگاہی ہوئی۔کچھ معاملات بہتر ہیں اور کچھ میں بہتری کی گنجائش ہے۔ بلوچستان کے لوگ بھی علاج معالجے کیلئے نشتر ہسپتال آٹے ہیں۔نشتر ہسپتال ملتان کی ضروریات کو پورا کیا جائے گا۔