ایم ایس نشترنےرشوت وصولی کے ثبوت پر بھی کلرک کو کچھ نہ کہا

ملتان (کرائم رپورٹر) نشتر ہسپتال ملتان میں بغیر رشوت کے میڈکل بنوانا نا ممکن ہو گیا، رشوت نہ دینے پر کلرک نے کئی روز تک میڈکل روکے رکھا، کلرک کی رشوت وصولی کی فوٹیج بھی منظر عام پر آ گئی ہے فوٹیج میں کلرک اشفاق کو واضح دیکھا جا سکتا ہے کہ وہ پہلے شہری سے رقم کا مطالبہ کرتا ہے اور کچھ دیر بعد شہری اسے رقم دیتا ہے تاکہ رکا ہوا میڈکل سرٹیفکیٹ جاری کروا سکے، اس بارے شہری نے ایم ایس راؤ امجد کو بھی شکایت کر دی ہے تاہم تاحال کلرک کے خلاف کاروائی عمل میں نہیں لائی جا سکی ہے