ممبئی: معروف بھارتی فلمساز وویک واسوانی نے انکشاف کیا ہے کہ بالی ووڈ کنگ شاہ رخ خان اور گوری خان نے ایک نہیں بلکہ تین شادیاں کی تھیں۔ بھارتی ٹیلی ویژن کے میزبان سدھارتھ کنن کے ساتھ ایک حالیہ انٹرویو میں پروڈیوسر وویک واسوانی نے شاہ رخ خان اور ان کی اہلیہ گوری خان کی شادی کے بارے میں کچھ انکشافات کیے ہیں۔ وویک واسوانی کا کہنا تھا کہ شاہ رخ خان اور گوری خان کی شادی ہندو اور مسلم مذہبی رسومات کا امتزاج تھی، جوڑے نے ایک ہی دن تین مختلف طریقوں سے شادی کی۔ پروڈیوسر کے مطابق شاہ رخ خان اور گوری نے پہلے اپنی کورٹ میرج رجسٹرڈ کروائی، پھر ان کی شادی ہوئی اور آخر کار انہوں نے ہندو مذہب کے مطابق شادی کر لی اور تینوں شادیاں ایک ہی دن ہوئیں۔
ان کا کہنا تھا کہ میں نے ممبئی کے ایک ہوٹل میں پانچ دن کے قیام کا تحفہ نئے شادی شدہ جوڑے (شاہ رخ خان اور گوری) کو شادی کے تحفے کے طور پر دیا اور اس تحفے کے لیے میں نے اپنی رقم استعمال کی۔ والد سے رقم ادھار لی۔ وویک واسوانی کا کہنا تھا کہ گوری کے بھائی اور شاہ رخ خان کے بچپن کے دوست شادی کی تقریب میں بہت خوش تھے، انہوں نے اس جشن میں بہت مزہ کیا جب کہ گوری خاموش رہیں، وہ دوسری لڑکیوں کی طرح بہت شرمیلی تھیں۔
