بندر عموماً چڑیا گھر یا جنگلات میں نظر آتے ہیں لیکن تھائی لینڈ کے ایک شہر پر بندروں کی فوج نے حملہ کر دیا ہے جس سے شہریوں کو شدید پریشانی کا سامنا ہے۔ تھائی لینڈ کے سیاحتی شہر لوپبوری میں بندروں نے بڑی تعداد میں لوگوں پر حملہ کر دیا جس سے ٹریفک میں خلل پڑا۔ شہر کے حالات بھی بری طرح متاثر ہوئے ہیں۔غیر ملکی میڈیا کے مطابق لوبپوری شہر میں بندروں کی جانب سے شدید جارحیت کا مظاہرہ کیا جا رہا ہے، شہریوں کی جانب سے دکانوں میں بندروں کی لوٹ مار کی شکایات بھی درج کرائی جا رہی ہیں۔ ساتھ ہی سیاح بھی خوف کا شکار ہو گئے ہیں۔ ساتھ ہی بندر املاک کو بھی نقصان پہنچا رہے ہیں۔ شہری جبکہ اب تک شہر میں متعدد افراد کے زخمی ہونے کی اطلاعات ہیں۔غیر ملکی میڈیا رپورٹس کے مطابق لوپبری شہر میں 10 ہزار سے زائد بندر موجود ہیں جب کہ محکمہ قدرتی وسائل وائلڈ لائف نے ان بندروں کو پکڑنے کے لیے شہر میں پنجرے لگائے ہیں، اس سے قبل شکاریوں نے بندروں کو پکڑنے کا طریقہ اپنایا تھا۔پولیس بھی بندروں سے نمٹنے کے لیے تیار نظر آتی ہے، پولیس اہلکار اسلحے سے لیس ہو گئے ہیں جب کہ چہروں کو نقصان سے بچانے کے لیے چہروں پر ماسک پہننے کی بھی ہدایت کی گئی ہے۔ اپیرک ویکھ کنچنا کا کہنا ہے کہ ایک خصوصی یونٹ تشکیل دیا گیا ہے، جو ان جارح بندروں کو کنٹرول کرے گا۔ان کا مزید کہنا تھا کہ مقامی لوگوں اور سیاحوں کو اس خطرے سے آگاہ کر دیا گیا ہے جب کہ خطرے کے پیش نظر گلیل استعمال کرنے کی اجازت دے دی گئی ہے۔زیادہ تر صورتوں میں بندروں کو مارنے کے بجائے گلیل سے مارنا ہی کافی ہے۔ دوسری جانب وزارت ماحولیات نے بھی بندروں کے خلاف کارروائی شروع کردی ہے اور شہریوں کو ہونے والے نقصان کا ازالہ کرنے پر بھی رضامندی ظاہر کردی ہے۔
