لاہور/کراچی: قومی ایئرلائن پی آئی اے فروخت کے لیے، اشتہارات جلد بین الاقوامی مارکیٹ میں آ جائیں گے۔ حکومت نے پی آئی اے کی نجکاری کے لیے اقدامات تیز کر دیے ہیں۔ بین الاقوامی سرمایہ کاری گروپوں سے رابطے شروع ہو گئے ہیں۔ نیلامی کی تشہیر بین الاقوامی سطح پر کی جائے گی۔ ترکی، ملائیشیا، قطر، متحدہ عرب امارات، جرمنی، فرانس اور ہالینڈ کے سرمایہ کاروں نے پی آئی اے خریدنے میں دلچسپی ظاہر کی ہے۔پی آئی اے یونین نے نجکاری کے خلاف جواب دینے کی تیاریاں شروع کر دیں۔ پاکستان نے پی آئی اے کی فروخت کے لیے ورلڈ بینک انٹرنیشنل فنانس کارپوریشن کو مقرر کرنے کا فیصلہ کیا ہے۔ یہ معاہدہ پی آئی اے کے تمام جہازوں اور روٹس کے ساتھ ساتھ انجینئرنگ، کیٹرنگ اور کارگو سمیت مختلف شعبوں کا احاطہ کرے گا۔ملک کے تین بڑے ایئرپورٹس اسلام آباد، کراچی اور لاہور کو آؤٹ سورس کرنے کا فیصلہ کیا گیا ہے۔ لاہور، اسلام آباد ایئرپورٹس کو آزمائشی بنیادوں پر آؤٹ سورس کر دیا گیا ہے۔ذرائع کے مطابق وزارت ہوا بازی کے حکام کو اہم ذمہ داریاں سونپ دی گئی ہیں۔ پاکستانی سفیر اور سرمایہ کار بین الاقوامی کمپنیوں سے ملاقات کریں گے تاکہ انہیں آؤٹ سورسنگ میں سرمایہ کاری پر آمادہ کیا جا سکے۔ بیرون ملک پاکستانی سفیروں کو پاکستان ایوی ایشن حکام کی جانب سے تیار کردہ ایک مخصوص بریف دیا جائے گا۔
