ترقی کے سفر میں رکاوٹیں ڈالنے والوں کی تمام کوششیں ناکام ہوں گی‘آرمی چیف عاصم منیر

آرمی چیف جنرل عاصم منیر کا کہنا ہے کہ ترقی کے سفر میں رکاوٹیں ڈالنے والوں کی تمام کوششیں ناکام ہوں گی۔
آرمی چیف جنرل عاصم منیر نے گرین پاکستان انیشیٹو کانفرنس سے خطاب کرتے ہوئے کہا کہ آج کے دور میں معاشی استحکام کے بغیر مکمل آزادی کا تصور نہیں کیا جا سکتا۔
جنرل عاصم منیر نے کہا کہ توجہ ہٹانے اور ترقی کے سفر کو پٹڑی سے اتارنے کی کوشش کرنے والوں کی تمام کوششیں ناکام ہوں گی۔
ہم سب مل کر ٹیم پاکستان ہیں، منفی پروپیگنڈا اور ٹرولز ترقی اور خوشحالی کے لیے کام کرنے سے نہیں روک سکتے۔
آرمی چیف کا کہنا تھا آئیے، ہم سب مل کر منفی قوتوں کو ردّ کریں اور سب مل کر پاکستان کی ترقی اور استحکام کے سفر پر مرکوز رہیں۔