“پاکستان تحریک انصاف کے رہنما عمر ایوب نے کہا ہے کہ 21 اپریل کو ہونے والے ضمنی انتخابات سے قبل ہی دھاندلی کا بازار گرم ہے۔”
اسلام آباد میں پریس کانفرنس کرتے ہوئے انہوں نے کہا کہ پورے ملک میں مہنگائی کا طوفان اور سونامی جاری ہے، پی پی 36 کے ہمارے امیدوار احمد چٹھہ کو پولیس ہراساں کر رہی ہے، انہیں عدالتوں میں نہیں جانے دیا جا رہا، ایکتا پریشد ہمارے امیدوار پنجاب پولیس کے ٹکٹ پر الیکشن لڑ رہے ہیں، پنجاب پولیس کے مظالم سب کے سامنے ہیں۔عمر ایوب نے کہا کہ فیض آباد کی تحقیقاتی رپورٹ کو منظر عام پر لایا جائے، فیض آباد رپورٹ کو کوٹھری میں نہ رکھا جائے، دودھ کا دودھ اور پانی کا پانی ہو جائے اور ملزمان کو کیفر کردار تک پہنچایا جائے، شریف حکومت کو کوئی ریلیف نہیں دیا۔ عوام دیں گے، آئی ایم ایف معاہدے کی وجہ سے پیٹرول بم گرائیں گے، 15 دن بعد پھر پیٹرول کی قیمت بڑھائیں گے، آج کہہ رہے ہیں کہ بجلی 100 روپے فی یونٹ ہوجائے گی۔انہوں نے سوال کیا کہ خواجہ آصف نے کہا تھا کہ پنجاب پولیس بغیر وارنٹ کے گھر آئی تھی تو کیا پنجاب پولیس وارنٹ لے کر ہمارے گھر آئی؟ پنجاب پولیس رات کے اندھیرے میں چوروں کی طرح گھروں میں گھسنے کی عادی ہو چکی ہے۔
عمر ایوب نے کہا کہ انہوں نے آئین اور قانون کی خلاف ورزی کی ہے، ملک کے جج نے خط لکھا کہ ایجنسی کے لوگ ان پر دباؤ ڈال رہے ہیں، اس لیے سرمایہ کار سرمایہ کاری سے پہلے سوچ لیں۔ پی ٹی آئی رہنما نے کہا کہ ہمارا 6 جماعتی اتحاد بن چکا ہے اور اس کے صدر محمود خان اچکزئی ہیں، ہمارا مطالبہ آئین اور قانون کی بالادستی ہے۔
