نواز شریف کی ہدایت پر ن لیگ پنجاب کا اجلاس آج طلب

مسلم لیگ (ن) کے قائد نواز شریف نے مسلم لیگ (ن) پنجاب کے صدر رانا ثناء اللہ کو پنجاب میں تنظیمی اور حکومتی عہدوں سے متعلق رپورٹ لینے اور پارٹی کو عوامی سطح پر دوبارہ فعال کرنے کی ہدایت کردی۔
ذرائع کے مطابق نواز شریف کی ہدایت پر مسلم لیگ ن پنجاب کا اجلاس آج طلب کیا گیا ہے۔
اجلاس میں پنجاب کے تنظیمی امور اور نواز شریف کے پارٹی صدر کے عہدے سے متعلق امور پر تبادلہ خیال کیا جائے گا۔
اجلاس کے ایجنڈے میں وفاقی اور پنجاب کابینہ میں ممکنہ توسیع بھی شامل ہے۔