قومی احتساب بیورو (نیب) نے سابق وزیراعظم نواز شریف کو اسلام آباد کی احتساب عدالت میں صدر آصف زرداری، سابق وزرائے اعظم نواز شریف، یوسف رضا گیلانی اور دیگر کے خلاف توشہ خانہ گاڑیوں سے متعلق کیس میں کلین چٹ دے دی۔
توشہ خانہ گاڑیوں سے متعلق کیس کی سماعت جج ناصر جاوید رانا نے کی، نواز شریف کے وکیل رانا محمد عرفان عدالت میں پیش ہوئے۔
رپورٹ کے مطابق نیب کا کہنا ہے کہ سعودی عرب کی حکومت کی جانب سے نواز شریف کو 1997 میں تحفے میں دی گئی گاڑی توشہ خانہ میں محفوظ تھی۔
تحفے میں دی گئی کار کو بعد میں وفاقی ٹرانسپورٹیشن پول میں شامل کر دیا گیا۔
