قومی اسمبلی میں اجلاس کے دوران بجلی بند ہونے سے ایوان تاریکی میں ڈوب گیا۔

اسلام آباد: قومی اسمبلی کے اجلاس کے دوران بجلی فیل ہوگئی جس سے ایوان اندھیرے میں ڈوب گیا۔
سپیکر ایاز صادق کی زیر صدارت اجلاس کے دوران سنی اتحاد کونسل کے رکن اور قائد حزب اختلاف کی تقریر کے دوران اچانک ایوان کی لائٹس بند ہو گئیں۔
بجلی بند ہونے سے ایوان اندھیرے میں ڈوب گیا اور تمام مائیک بھی بند کر دیے گئے جب کہ سپیکر قومی اسمبلی نے ڈپٹی سپیکر کو فوری طور پر معاملہ دیکھنے کی ہدایت کر دی۔
تاہم کچھ دیر بعد بجلی بحال ہوگئی۔ ارکان قومی اسمبلی نے بجلی کی لوڈشیڈنگ پر ’لوڈ شیڈنگ ناقابل قبول‘ کے نعرے بھی لگائے۔