“پاکستان پیپلز پارٹی کے رہنما اخونزادہ چٹان نے کہا ہے کہ لاڈلا راج کی وجہ سے خیبرپختونخوا میں ایک بار پھر دہشت گردی عروج پر ہے۔”
اسلام آباد میں پریس کانفرنس کرتے ہوئے انہوں نے کہا کہ خیبرپختونخوا کے عوام نے انہیں ووٹ دیا ہے، اس کے لیے کام کریں، خیبرپختونخوا میں دہشت گردی روکنے کے لیے جرگہ بلایا جائے تو صدر مملکت جرگہ بلائیں۔انہوں نے کہا کہ احتجاج کرنا جمہوری حق ہے، اسے کوئی نہیں روک سکتا، لیکن صوبے کے لیے بھی کام کرنا چاہیے، وزیراعلیٰ کا اپنا علاقہ ڈیرہ اسماعیل خان خوفناک دہشت گردی کا شکار ہے، جس میں سب سے زیادہ فورس کے لوگ شہید ہوئے۔
انہوں نے کہا کہ ہمیں اب سمجھ لینا چاہیے کہ ہمیں افغانستان کے ساتھ پالیسی پر نظر ثانی اور تبدیلی کرنی چاہیے، پیپلز پارٹی کے دور میں فاٹا سے دہشت گردی کا خاتمہ کیا گیا۔اخونزادہ چٹان نے کہا کہ صوبائی حکومتیں اپنے عوام کی فلاح و بہبود کے لیے کام کر رہی ہیں۔
