ملک بھر میں بجلی کی قلت چھ ہزار میگاواٹ تک پہنچ گئی

ملک بھر میں بجلی کی قلت 6 ہزار میگاواٹ تک پہنچ گئی۔ دیہات میں 8 گھنٹے اور شہری علاقوں میں 6 گھنٹے لوڈشیڈنگ جاری ہے۔
پاور ڈویژن کے ذرائع کے مطابق ملک میں بجلی کی طلب 36 ہزار 300 میگاواٹ تک پہنچ گئی ہے
جب کہ مجموعی پیداوار ساڑھے 20 ہزار میگاواٹ ہے۔
بجلی کی بڑھتی ہوئی طلب کے باعث دیہی علاقوں میں 8 گھنٹے اور شہروں میں 4 سے 6 گھنٹے لوڈ شیڈنگ کی جا رہی ہے۔
نقصان اور چوری کے علاقوں میں لوڈ شیڈنگ کا دورانیہ 12 سے 16 گھنٹے تک بڑھ گیا۔
پاور ڈویژن کا دعویٰ ہے کہ ملک بھر میں کہیں بھی اعلانیہ لوڈ شیڈنگ نہیں ہے، لوڈشیڈنگ صرف وہاں ہوتی ہے جہاں چوری یا نقصان زیادہ اور ریکوری کم ہو۔
دوسری جانب اسلام آباد اور راولپنڈی میں کوٹے سے اضافی بجلی ہے۔
آئیسکو حکام کے مطابق مینٹیننس کے نام پر دونوں شہروں میں لوڈشیڈنگ بھی بند کر دی گئی ہے۔