انٹرنیشنل کرکٹ کونسل نے سالانہ ٹیم رینکنگ جاری کردی

پاکستان تمام فارمیٹس میں ٹاپ پوزیشن حاصل کرنے میں ناکام رہا
آسٹریلیا نے سالانہ ٹیسٹ ٹیم رینکنگ میں 124 پوائنٹس کے ساتھ دوبارہ پہلی پوزیشن حاصل کر لی ہے جب کہ بھارت 4 پوائنٹس کے خسارے کے باعث اب دوسری پوزیشن پر ہے۔
ٹیسٹ ٹیم رینکنگ میں انگلینڈ تیسرے اور جنوبی افریقہ چوتھے نمبر پر ہے جب کہ نیوزی لینڈ پانچویں، پاکستان چھٹے اور سری لنکا ساتویں نمبر پر ہے۔
ون ڈے اور ٹی 20 فارمیٹس کی سالانہ ٹیم رینکنگ میں بھارت پہلے نمبر پر ہے جبکہ ون ڈے میں آسٹریلیا دوسرے اور جنوبی افریقہ تیسرے نمبر پر ہے۔
پاکستان چوتھے، نیوزی لینڈ پانچویں اور انگلینڈ چھٹے نمبر پر ہے۔
سالانہ T20 ٹیم رینکنگ میں بھارت پہلے، آسٹریلیا دوسرے اور انگلینڈ تیسرے نمبر پر ہے جب کہ جنوبی افریقہ کی ٹیم دو درجے ترقی کر کے چوتھے نمبر پر آ گئی ہے۔
نیوزی لینڈ کی ٹیم 5ویں اور پاکستان کی ٹیم 7ویں نمبر پر آگئی ہے۔