برطانیہ میں غیر قانونی تارکین وطن کی تعداد میں اضافہ ہو رہا ہے

غیر قانونی طور پر برطانیہ آنے والوں کی تعداد نے نیا ریکارڈ قائم کر دیا ہے۔ برطانوی میڈیا کا کہنا ہے کہ بدھ کو 700 سے زائد تارکین وطن سمندری راستے سے برطانیہ پہنچے۔
ہوم آفس کے مطابق 711 افراد برطانیہ آئے جو کہ فی کشتی اوسطاً 51 ہے۔
رواں سال سمندری راستے سے غیر قانونی طور پر برطانیہ میں داخل ہونے والوں کی مجموعی تعداد 8 ہزار 278 ہوگئی ہے۔
یہ تعداد گزشتہ برس اسی عرصے کے دوران برطانیہ آنے والے تارکین وطن کی تعداد سے 34 فیصد زیادہ ہے۔
سال 2023 میں جنوری سے اپریل تک 6 ہزار 192 تارکین وطن برطانیہ پہنچے اور 2022 میں اسی عرصے کے دوران 6 ہزار 945 تارکین وطن برطانیہ پہنچے۔
اس سال سمندری راستے سے برطانیہ آنے والے زیادہ تر تارکین وطن میں ویت نام کے لوگ شامل ہیں۔