پی ٹی آئی کے بانی کی گرفتاری پر امریکہ کا کوئی موقف نہیں‘امریکی محکمہ خارجہ

امریکی محکمہ خارجہ کے ترجمان میتھیو ملر کا کہنا ہے کہ پی ٹی آئی کے بانی کی گرفتاری سے متعلق معاملات پر امریکا کا کوئی موقف نہیں ہے۔ یہ وہ معاملات ہیں جن پر حکومت پاکستان کو فیصلہ کرنا ہے۔
میتھیو ملر نے پریس بریفنگ میں کہا کہ امریکا پاکستانی حکومت کے معاملات میں مداخلت نہیں کرتا، وہ عمران خان کی رہائی کے حوالے سے امریکا کے کردار سے متعلق سوال کا جواب دے رہے تھے۔
انہوں نے کہا کہ بشام حملے میں جانی نقصان پر افسوس کرتا ہے اور دہشت گرد گروپوں سے متعلق مشترکہ خطرات سے نمٹنے کے لیے پاکستان کے ساتھ مل کر کام کر رہا ہے۔
پاکستان نے دہشت گردوں کے ہاتھوں بہت نقصان اٹھایا ہے۔