گرمی بڑھتے ہی گیسٹرو کے کیسز میں اضافہ ہو گیا

گرمی بڑھتے ہی اسپتالوں میں گیسٹرو کے کیسز بڑھنے لگے۔
جناح اسپتال انتظامیہ کے مطابق اسپتال میں گیسٹرو کے مریضوں کے کیسز سامنے آرہے ہیں جہاں روزانہ 45 سے 50 گیسٹرو کے مریض آرہے ہیں۔
اس حوالے سے ماہرین صحت کا کہنا ہے کہ پانی اور نمک کی کمی سے گردے فیل ہونے کا خطرہ ہوتا ہے، جسم میں انفیکشن پھیلنے کا بھی خطرہ ہوتا ہے۔
ماہرین صحت نے کہا کہ لوگ پھلوں اور سبزیوں کو دھو کر استعمال کریں، ہاتھ صاف رکھیں، باہر سے خراب اور تلی ہوئی اشیاء کھانے سے گریز کریں اور سبزیاں اور پھل زیادہ کھائیں۔