وزیراعلیٰ پنجاب کا کسانوں کو براہ راست سبسڈی دینے کا اعلان

وزیراعلیٰ پنجاب مریم نواز نے گندم کی خریداری میں کرپشن کے خاتمے کے لیے کسانوں کو براہ راست سبسڈی دینے کا اعلان کیا ہے۔
وزیراعلیٰ پنجاب مریم نواز سے اراکین اسمبلی نے ملاقات کی، گفتگو کے دوران وزیراعلیٰ نے کہا کہ پہلے گھپلے ہوتے تھے۔ اب کسانوں کو گندم کی خریداری پر براہ راست سبسڈی دیں گے۔
وزیر اعلیٰ پنجاب نے کہا کہ انہوں نے کسان کارڈ پروگرام میں رجسٹریشن کے لیے خصوصی ہیلپ لائن قائم کرنے کا فیصلہ کیا ہے اور کسانوں کے لیے کسان کارڈ کا ایک بڑا منصوبہ شروع کیا جا رہا ہے
، ذخیرہ اندوزی کو روکنے اور قیمتوں پر قابو پانے کے لیے الگ نظام بنایا جا رہا ہے۔ کھاد کی سمگلنگ برداشت نہیں کی جائے گی۔