لوڈشیڈنگ کے ستائے شہریوں کے صبر کا پیمانہ لبریز ہوگیا

مشتعل افراد سڑکوں پر نکل آئے اور موٹر وے بلاک کر دی۔ پشاور میں اکبر پورہ اور گردونواح کے دیہات کے لوگوں نے بجلی کی طویل لوڈشیڈنگ کے خلاف احتجاجاً پشاور ایم ون سے چارسدہ تک موٹروے بلاک کر دی۔
مظاہرین کا کہنا ہے کہ اکبر پورہ اور گردونواح میں 12 سے 16 گھنٹے طویل لوڈ شیڈنگ کی جا رہی ہے۔
مظاہرین کا کہنا تھا کہ جب تک غیر اعلانیہ لوڈشیڈنگ کم کرنے کی یقین دہانی نہیں کرائی جاتی احتجاج ختم نہیں ہوگا۔
بعد ازاں افسران نے مظاہرین سے بات چیت کی۔ مظاہرین کا کہنا تھا کہ ہمارے 8 نمائندے مذاکرات کے لیے ناگمان گرڈ اسٹیشن گئے ہیں۔
پولیس کی یقین دہانی پر موٹر وے کے دونوں ٹریک عارضی طور پر کھول دیے گئے، ہم انتظار کر رہے ہیں، اگر بجلی بحال نہ ہوئی تو موٹر وے کو دوبارہ بند کر دیں گے۔