ایران میں صدارتی انتخابات کے لیے ووٹنگ کل (جمعہ) ہوگی، صدارت کے لیے چھ امیدوار میدان میں ہیں۔
ایران میں صدارتی انتخابات 2025 میں ہونا تھے تاہم گزشتہ ماہ ہیلی کاپٹر حادثے میں صدر ابراہیم رئیسی کی ہلاکت کے بعد ملتوی کر دیے گئے تھے
تاہم ایرانی کل (جمعہ) کو انتخابات میں ووٹ ڈالیں گے۔ میڈیا رپورٹس کے مطابق ایران کی شوریٰ نگبان نے ایرانی صدر کے انتخاب کے لیے صرف 6 امیدواروں کے ناموں کی منظوری دی ہے۔
ان 6 صدارتی امیدواروں میں سعید جلیلی، محمد باقر قالیباف، مسعود پزیشکیان، مصطفیٰ پور محمدی، امیر حسین غازی زادہ ہاشمی اور علی رضازاکانی شامل ہیں
ایران کے صدارتی انتخابات میں کوئی خاتون امیدوار نہیں ہے کیونکہ اسلامی جمہوریہ ایران میں خواتین کو صدارتی انتخاب میں حصہ لینے کی اجازت نہیں ہے،
ایرانی وزارت داخلہ کے اعداد و شمار کے مطابق 287 افراد نے باضابطہ طور پر صدارتی عہدے کے لیے اپنی امیدواری کی خواہش کا اعلان کیا تھا
اور ان میں سے 80 نے ممکنہ امیدواروں کے طور پر اپنی باقاعدہ رجسٹریشن کرائی تھی۔
ایران : نئے صدر کا انتخاب کل ، 6 امیدوار مدمقابل ہوں گے
-
