وفاقی وزیر دفاع خواجہ آصف نے کہا ہے کہ پاکستان تحریک انصاف نے اقتدار سنبھالنے کے بعد اسمبلی میں کھلبلی مچادی ہے۔
اسلام آباد میں میڈیا سے بات کرتے ہوئے وزیر دفاع خواجہ آصف نے کہا کہ معاشی اہداف کو امن یا دیگر دفاعی اہداف سے الگ نہیں کیا جا سکتا
ایسا ماحول بنانا ہو گا کہ پاکستانی اور غیر ملکی سرمایہ کار محفوظ محسوس کریں۔
وزیر دفاع نے کہا کہ ملک میں امن سے بہت سے معاشی فوائد حاصل ہوں گے۔
خواجہ آصف نے کہا کہ پی ٹی آئی نے اقتدار سنبھالنے کے بعد اسمبلی میں ڈرامہ رچایا،
پی ٹی آئی ارکان پاکستان سے معاہدہ نہ کرنے پر انٹرنیشنل مانیٹری فنڈ (آئی ایم ایف) کو خط لکھتے ہیں۔
انہوں نے کہا کہ موجودہ ماحول میں معاشی اہداف کا حصول ایک پرخطر کام ہے، یہ رویہ حب الوطنی نہیں بلکہ ملک دشمنی کی نشاندہی کرتا ہے۔
انہوں نے کہا کہ معاشی اہداف کا سو فیصد دارومدار امن پر ہے۔
ان کا مزید کہنا تھا کہ چین کی وجہ سے سی پیک کو نشانہ بنایا جا رہا ہے، ملک میں غیر ملکی سرمایہ کاری کو مکمل تحفظ دیا جائے گا۔
