پاکستان کرکٹ ٹیم کے سابق کپتان اور مایہ ناز آل راؤنڈر شاہد آفریدی نے بابر اعظم کو کپتانی چھوڑنے کا مشورہ دیا ہے۔
سابق کپتان اور مایہ ناز آل راؤنڈر شاہد آفریدی کا کہنا تھا کہ بابر اعظم ورلڈ کپ کے بعد خود ہی کپتانی چھوڑ دیں، بورڈ نے انہیں نہ ہٹایا تو ایک اور غلطی ہو جائے گی۔
شاہد آفریدی نے کہا کہ بابر خوش قسمت ہیں کہ انہوں نے اتنے ورلڈ کپ میں کپتانی کی۔
سابق کپتان کا کہنا تھا کہ بابر کو کہا تھا بطور بیٹسمین کھیلو ، اپنی بیٹنگ پر فوکس کرو، اب بہت ہوگیا آپ بطور بیٹسمین بھی کھیل سکتے ہو۔
ان کا مزید کہنا تھا کہ ٹی ٹوئنٹی میں ہمیں جارحانہ کپتان کی ضرورت ہے۔
