پاک بحریہ کے جہاز یرموک نے شمالی بحیرہ عرب میں انسداد منشیات کے کامیاب آپریشن میں 380 کلو گرام انتہائی قیمتی منشیات قبضے میں لے لیں۔
پاک فوج کے شعبہ تعلقات عامہ (آئی ایس پی آر) کے مطابق پی این ایس یرموک نے انٹیلی جنس کی بنیاد پر انسداد منشیات آپریشن میں شمالی بحیرہ عرب میں 380 کلو گرام انتہائی قیمتی منشیات قبضے میں لے لی۔
آئی ایس پی آر کا کہنا ہے کہ پکڑی گئی منشیات کی بین الاقوامی مارکیٹ میں مالیت ہزاروں ڈالر ہے۔
آئی ایس پی آر کا کہنا ہے کہ منشیات کی سمگلنگ کے خلاف کامیاب آپریشن پاک بحریہ کی سمندر میں موثر نگرانی کا نتیجہ ہے۔
آئی ایس پی آر کے مطابق پاک بحریہ کے جنگی جہاز سمندر میں منشیات کی اسمگلنگ، بحری قزاقی اور انسانی سمگلنگ کی روک تھام کے لیے باقاعدگی سے ڈیوٹی سرانجام دیتے ہیں۔
